Comu na vota, di Salvo Basso

Facemu comu na vota.
Macari si ora è scuro
E ttantu assai nun ci
Videmu. A spiranza è
Ttutta ittata na qualche
Ttruvamentu ca nun
C'era. Nun serva
Pinsari a cchiddu
Ca ancora si po' ffari.
E' mmorti, è ssorti,
E' c'ava gghiessiri.
Suttasutta na taliata
Rrisolvi i cosi. E'
N'occhiu, fermu
Comu ncarrabbineri.
A pazzia vena a ppicca
A ppicca. Pigghia prima
I pedi e ppoi acchiana.
E nmustacchiuni a mmia
Di mia nun mu leva
Nuddu. Parru ca sparru.
E ffazzu sulu poesia.

Salvo Basso